ليش مهم تعرف مين شريحتك المستهدفة
سواء كان عندك (متجر أو أي نشاط تجاري)
أو تقدم خدمات (فري لانسر)؟
في البداية أول شي يساعدك تعرف فئتك المستهدفة هوا الشي إلي تقدمه (منتج/خدمة)
لا تختار منتج أو خدمة قبل ما تعرف مين عميلك المستهدف ⚠️
بسم الله نبدأ الثريد😍✅
لازم نتفق على حاجة مهمة
ما في شي اسمو أنا أستهدف الكل أو منتجي يحتاجو الكل ❌
أنت لو شركة مويه 💦
محا تكون تستهدف الكل لأنو عندك منافسين وكل شركة عندها معايير خاصة فيها للمويه وأسعار مختلفة 🤷🏼♀️
في أسئلة ضروري تكون عارف إجابتها عشان تتأكد إنك فاهم عميلك صح ومختار المنتج الصح ✅
ذكرتها في ثريد سابق 👇🏻
#ثريد 🔥
صدقني إذا ما فهمت عميلك المحتمل
محا تقدر تبيع ولا حا تقدر تحقق التارقت الي تتمنى توصله في المبيعاتفي اسئلة ضروري تكون عارف إجابتها عشان تتأكد انك فاهم عميلك صح ومختار المنتج الصح ✅
١- كم متوسط دخل عميلك المحتمل؟
٢- كم متوسط الأعمار؟
يتبع..@mkt_chess
— امتنان🇸🇦 (@Em_website) August 9, 2021
بعد ما تجاوب على الاسئلة وأكيد هيا تختلف من منتج لآخر
– نجي نذكر هنا ليش مهم تحدد شريحتك المستهدفة👍🏻
1- فهمك لعميلك المستهدف يساعدك إنك تحافظ على وقتك أثناء تجهيزك للحملات التسويقية أو تنفيذك للمشروع
يعني لو أنت عارف متوسط أعمارهم كم؟
وفين متواجدين؟
وأيش اهتماماتهم؟
وغيرها من الأسئلة
راح تعرف فين ومتى وكيف تستهدفهم بالشكل الصحيح👌🏻
فتنجز في وقت أقل من لو ما كنت تعرف عنهم شي.
2- يساعدك على كتابة المحتوى المناسب للفئة المستهدفة
لأنو لكل فئة وكل مشروع محتوى مناسب لهم
ولا تستهين بكتابة المحتوى
فالمحتوى هو الملك!
أحيانًا يكون التسويق بالمحتوى فتح باب رزق لك مجاني بدون حملات مدفوعة 👌🏻✅
3- يساعدك تحديد الفئة المستهدفة في تحقيق نتائج ومبيعات أفضل ✅
عكس لما يكون استهداف عشوائي 🔀
4- الأكيد أنو معرفة الفئة المستهدفة راح يساعدك في توفير المال لما تقرر إنك تطلق حملات إعلانية سواء عن طريق المشاهير أو المنصات المعروفة كقوقل وتويتر وإنستقرام وغيرهم ✍🏻
أشكرك إنك وصلت إلين هنا 🙏🏻🌟
أتمنى أن الثريد يكون مفيد ليك
في النهاية أحب أوجه لك نصيحة:
أحيانًا التجربة
هيا إلي تساعدك في معرفة مين فئتك المستهدفة 👌🏻
أقوى عاملين ليهم تأثير تحديد الفئة المستهدفة معرفتهم هما
“التسعير ومستوى الجودة”
لو استفدت من الثريد لا تنسى تسوي لنا ري تويت🤍
