11/06/2024 مرحبا بك في مدونة امتنان

عمرك سألت نفسك إذا مجال التدريب مربح أو لا؟ 

هل هو مجال يستاهل تغامر فيه ؟

أولًا يا صديقي يهمني تعرف اني أتكلم عن مجال محدد من مجالات التدريب وإلي هوا مجال التدريب لمناهج طلاب الجامعة الصعبة والاختبارات الحكومية الإلزامية والغير إلزامية زي اختبار القدرات والقدرة المعرفية 

كل قسم في الجامعة من الأقسام الصعبة وإلي تحتاج شرح أكثر من مره لغالبية الطلاب يحتاج لها مدرس خصوصي أو مدرب يقدم دورات مثل مجال التصميم الداخلي ومجال المحاماة !

قبل سنتين قدمت على اختبار القدرة المعرفية واحتجت مدرب يأهلني للاختبار وكانت قديمة الدرة 1000 ريال للتسجيل المبكر أحب اقولك انو كان عدد المشتركين يتجاوز 100 شخص !

بقيمة 1000 ريال لكل مشترك والدورات مسجلة وهو فقط يتابع ويوجه 

ايش رأيك هل فكرت تدخل مجال التدريب؟

اخواني طلاب في الجامعة الله يوفقهم يكلف كل واحد فيهم مدرس الجامعة الخصوصي 150 ريال لكل اختبار يعني 450 ريال لثلاثة اختبارات في الترم ولو قلنا 400 طالب في الدفعة مسجل مع المدرس احسبلك كم الدخل ولا اخليها عليك ؟

هل فكرت تكون مدرس خصوصي بتخصصك الجامعي؟

أو هل فكرت تعطي دورات لطلاب تخصصك الجامعي إلي يواجهوا صعوبات في دراستهم أو يحتاجوا يقووا السي في حقهم عشان يحصوا على أفضل الوظائف 

 تعرف كم عدد إلي يحتاج دورة لاختبار فني محاسبة شهريًا؟

إذا انت متخرج بتخصص صعب ويحتاج لتعليم خاص سواء بدرس خصوصي أو دورة فهذي فرصتك توسع مصادر تدخلك.

انتهت مقالتنا لليوم إن شاء الله تكون مفيدة ومثرية لك.